მძღოლის მომსახურების ხელშეკრულება

1.1. დამოუკიდებელი კონტრაქტორი: მძღოლი წარმოადგენს დამოუკიდებელ კონტრაქტორს და არ არის კომპანიის (შემდგომში „პლატფორმა“) დასაქმებული.

1.2. ანაზღაურება: მძღოლი იღებს ანაზღაურებას შესრულებული მგზავრობებიდან, პლატფორმის მიერ განსაზღვრული საკომისიოს გამოკლებით.

1.3. კონკურენციის შეზღუდვა: იკრძალება პლატფორმის გვერდის ავლით მგზავრთან დაკავშირება ან მომსახურების გაწევა.

2.1. ფლობის უფლება: მძღოლი უნდა იყოს მფლობელი ან ფლობდეს გენერალურ მინდობილობას.

2.2. გამოცდილება: სავალდებულოა მინიმუმ 2-წლიანი მართვის სტაჟი.

2.3. ნასამართლეობა: მძღოლი ადასტურებს, რომ არ აქვს ნასამართლეობა. პლატფორმა უფლებამოსილია ნებისმიერ დროს მოსთხოვოს მას ცნობის წარდგენა.

3.1. ალგორითმული შეზღუდვა: სისტემა მძღოლს არ შესთავაზებს შეკვეთას, თუ მგზავრობის დაწყებამდე დარჩენილი დრო 1 საათზე ნაკლებია. ჯავშანი იხსნება მხოლოდ იმ შემთხვევაში, თუ მძღოლს აქვს მინიმუმ 1 საათი ლოკაციამდე მისასვლელად.

3.2. მისვლის სტანდარტი: შეკვეთის დადასტურების შემდეგ, მძღოლს აქვს მაქსიმუმ 1 საათი მგზავრთან მისასვლელად.

3.3. ადრე გამოცხადება: მძღოლი ვალდებულია მითითებულ მისამართზე იმყოფებოდეს მგზავრობის დაწყებამდე 10 წუთით ადრე.

3.4. დადასტურება და გაუქმება: მძღოლი ვალდებულია დროულად დაადასტუროს შეკვეთა. თვეში 3-ზე მეტი გაუქმება ან სისტემატური დაგვიანება გახდება ანგარიშის ბლოკირების საფუძველი.

4.1. მგზავრის კომფორტი: მძღოლი ვალდებულია გაითვალისწინოს მგზავრის თხოვნები მართვის სტილსა და სისწრაფესთან დაკავშირებით. ვალდებულია გაუჩეროს მგზავრს გზად ან დაელოდოს (უკან დაბრუნების მოთხოვნისას).

4.2. აღჭურვილობა: სავალდებულოა უფასო სასმელი წყალი (დალუქული) და გამართული Wi-Fi. ავტომობილი უნდა იყოს სუფთა და ტექნიკურად გამართული.

4.3. ხელმისაწვდომობა: მძღოლი ვალდებულია იყოს ხელმისაწვდომი თვის განმავლობაში მინიმუმ 25 დღე, წინააღმდეგ შემთხვევაში ანგარიში დაიბლოკება.

4.4. კომუნიკაცია: მძღოლს ეკრძალება მგზავრთან პოლემიკაში შესვლა. ნებისმიერი პრობლემისას მძღოლი ვალდებულია მუდმივ კომუნიკაციაში იყოს პლატფორმის ოპერატორთან.

5.1. საგარანტიო თანხა: მუშაობის დაწყებამდე მძღოლი ვალდებულია შეიტანოს 100 ლარი.

5.2. ფოტოების ხარისხი: თუ ატვირთული ფოტოები არ შეესაბამება ინსტრუქციას, გადაღება-დამუშავების საფასური (50 ლარი) ჩამოიჭრება დეპოზიტიდან.

5.3. ბალანსი: მძღოლი ვალდებულია მუდმივად იქონიოს ბალანსზე ფიქსირებული თანხა საიტზე წვდომის შესანარჩუნებლად.

5.4. დაბრუნება: თანამშრომლობის შეწყვეტისას, წესების დაცვის შემთხვევაში, დეპოზიტი (100₾) სრულად ბრუნდება.

6.1. შეურაცხყოფა: მგზავრის ან წარმომადგენლის შეურაცხყოფა — მგზავრობის 100% ჯარიმა, დეპოზიტის ჩამორთმევა და სამუდამო ბლოკირება.

6.2. გამოუცხადებლობა: ჯავშნის 20% ჯარიმა + ჩანაცვლების ხარჯების ანაზღაურება.

6.3. გვერდის ავლა: ბლოკირება + ფულადი ჯარიმა + სამართლებრივი დევნა.

6.4. ხარისხის დარღვევა: მგზავრისთვის გაწეული კომპენსაცია/ფასდაკლება ანაზღაურდება მძღოლის მიერ.